| 終於畢業了！大學生涯完結，這個日記也不會再用，因為現在的我已經不再屬於 MedE ，我會用另一個日記來記下我往後沒有 MedE 的生活！ |
| |
| 唔知邊個發明拍子機嫁呢，我諗個發明家原意係用來幫練習音樂的朋友們打出平均而準確的拍子，但我知道拍子機除左有上述既功用之外，仲有人用黎「吹」眠喎！（當然係要調教到大約到 Adagio 既位。） 今日，我用手打拍子打左一個鐘頭，仲要用口配埋詞，例如：「一 an 二 an 一 an 二 an 」、「快 D 快 D」、「繼續繼續」、「慢 D 慢 D」、「 keep 住 keep 住」！由於成個鐘頭都係彈緊 scales ，係一分鐘 178 拍既速度仲要一拍彈兩個，我個口要配既詞係一分鐘 356 個！口就得一個，停唔到，手就有一對，左右手互擊會累到死，所以一於輪住黎，但又唔想拍部琴，拍爛左幾皮野就唔好啦，所以就左右手輪流拍左大臂同右大臂，完全有樓 cheer 果首「 Rainbow Claps 」同埋「 Get On Down Cheer 」既感覺，爆曬 D 血管！仲有，scales 要彈四個 octaves，咁鬼長，兩隻手根本掃曬成個 keyboard ，加上我又矮，坐係個琴執邊，係冇可能睇到有冇錯 fingering，一定要企起身從高處，由上面 top-view 咁睇，先睇到左右手係咪都係用緊 correct fingering！ 咁既模式持續一小時，真係人都癲！所以以後有人講起教琴，除非呢個世界所有練習音樂既人都能夠好好地用到拍子機啦，你千祈唔好話「教琴好好搵」！ |
| |
| 呢個「颱風派比安」香左我兩把傘！
佢尋日首先香左我把縮骨傘！吹呀吹呀這風吹，我高估了一把縮骨傘，我係西環開完工之後就俾呢個 multi-directional 既風吹拗左！跟住我就好無奈地係勁過橋俾「颱風派比安」帶來的風和雨洗禮！
尋日搞成咁我都知死啦，於是乎今日麻煩少少都要帶把長直傘出街。朝早係中區半山般含道，拿住把靚傘，開工都開得醒神過人！我下午再係北角半山賽西湖開工，好開心，好地地的。誰知，我就低估了一把直傘，開完工之後，係離開賽西湖大廈出返大馬路之際，就俾個風 first attack 到！拗左！ 之後，係香港仔再俾個風 second, third, fourth, fifth, sixth, seventh...... attacks... 拗左 ！彎左 ！斷左 ！冇左 ！結局，就係咁：
P.S. 呢個「颱風派比安」，香港天文台只係掛左三號強風訊號！ |
| |
| 雙魚白羊座 (MAR 19-24) 新生的交界
優點 : 單純、熱情
缺點 : 臭脾氣、沒耐性
性格 直率天真
雙魚白羊座是處於雙魚座和白羊座的交界，性格像一個小孩，敏感、想像力豐富、率直、愛玩。他擁有雙魚座的幻想力，也有白羊座的行動力，所以可以將天馬行空的計劃落實執行。他像雙魚座那樣多愁善感，卻又有白羊座的熱情樂觀，所以他雖然有點感性，卻又不會終日鬱鬱寡歡。不過他的脾氣不會叫你好受，雙魚座的情緒化已經叫人難以捉摸，加上白羊座的暴燥，一發起脾氣時如火山爆發。 不過，跟雙魚白羊座的人做朋友也實在不錯，他做事沒機心、直率，份人又單純，雖然有時情緒化，但至少不會去謀算你。
雙魚白羊座的字典中，沒有「失敗」二字，不是因為他從不失敗或是不屈不撓，而是因為他不會承認自己的失敗。遇到挫折，他不太會懂得處理，很多時只會採用鴕鳥政策。
對於雙魚白羊座做的事，你千萬別叫他解釋，他一切都是憑直覺去做，實在不知怎樣告訴你他的動機和因由。你追問他，他只會發你脾氣。
事業 親親大自然
雙魚白羊座的人喜歡一些原始、基本、簡單的東西，亦因為他比較我行我素，不能在人事關係複雜的環境下做事。不妨做事跟大自然有關的工作，例如園藝、寵物、環保、海洋研究、農務等，對著植物和動物，好過對住人。 |
| |
